सोमवार, ३ ऑक्टोबर, २०११

श्रद्धा


मिरासदारांचा| इथे दबदबा|
त्यांचेपायी दबा| श्रद्धा म्हणे||

विसर्जीली आता| खुळी ती भावना|
मनाशी चालना| स्वातंत्र्याची||

श्रद्धा हेकेखोर| हट्टीपणा थोर|
अन् ती मुजोर| सर्वकाळ||

असत्यास सत्य| मानायास लावी|
श्रद्धा ही लाघवी| संमोहक||

भाळून श्रद्धेला| धोंडा पायावर|
पाडी इथे नर| स्वार्थापायी||

प्रचंड ती हानी| करते मनाची|
श्रद्धा जनतेची| हितशत्रू||

कृती, कष्ट, योग| यामुळे घडून|
येतसे जुळून| येणारे ते||

श्रद्धा नच कधी| प्राप्तव्य दे हाती|
विश्वास सांगाती कर्मवीरा||

मनोज बोबडे 

कोणत्याही टिप्पण्‍या नाहीत:

टिप्पणी पोस्ट करा